నాక్కొంచెం ఆశ్చర్యంగా ఉంటుంది.
చిరంజీవి రాజకీయాల్లోకి రాకముందు
చిరంజీవి కి అంతదమ్ములేదు లే
రాజకీయాల్లోకి రావడానికి అనేవాళ్ళు కొందరు
వచ్చిన మర్నాటి నుంచి
చిరంజీవి రాజకీయాల్లోకి రాకపోయి ఎంత ఆనందంగా ఉండేవాడో అంటూ
మొసలి కన్నీరు కారుస్తున్నారు
నేనేమీ చిరంజీవి అభిమానిని కాను
నాకు అంతు పట్టనిదల్లా ఈ ద్వంద్వ ప్రవృత్తే
పరకాలని ప్రక్కన పెట్టుకున్నాడు
తనేమయినా రాజకీయ దురంధరుడా అన్నోళ్ళే
పరకాల పోగానే ఇక ప్రజారాజ్యం మునిగినట్టే అంటారు
నాకు అంతు పట్టనిదల్లా ఈ ద్వంద్వ ప్రవృత్తే
చిరంజీవి మళ్ళీ సినిమాల్లోకి రావడమే మేలని దొంగఏడుపులు ఏడుస్తారు
వచ్చాడంటే – హమ్మయ్య చిరంజీవి పనైపోయిందింక అంటారు
నేనేమీ చిరంజీవి అభిమానిని కాదు
వీళ్ళ ద్వంద్వప్రవృత్తి ని చూసి చూసి విసిగివేసారినవాణ్ణంతే
చిరంజీవి జై తెలంగాణా అన్నా ఏడుపే,
జై సమైక్యాంధ్రా అన్నా ఏడుపే వీళ్ళకి
తెలంగాణాకి జైకొడితే – ఇక కోస్తాలో రాజ్యం భూస్థాపితమంటారు
సమైక్యాంధ్ర కి జైకొడితే తెలంగాణా లో వీళ్ళ సినిమాలు భూస్థాపితమంటారు
బాబూ చిరంజీవి రాజ్యమెలాగూ ఓడిపోయింది
అతని మానాన అతణ్ణొదిలేయండి
పొద్దున లేచిన దగ్గర్నుంచీ చిరంజీవి గురించి
అతని వీరాభిమానులకంటే ఎక్కువగా ఆలోచించడం మానేయండి
ద్వంద్వ ప్రవృత్తి మాటలతో జనాలని విసిగించకండి…
